رمضان جو تحفو Ramzan Jo Tuhfo

سڀني سنڌي مسلمانن لاء رمضان جو تحفو

رمضان جو مبارڪ مهينو، پاڻ سان گڏ ڪيتريون ئي برڪتون ۽ رحمتون کڻي اچي ٿو. هن مهيني جي هڪ برڪت هي آهي ته پاڪ پالڻهار انسان کي پنهنجو مهمان بڻايو آهي ۽ ان جي لاءِ معنوي دعوت جو انتظام ڪيو آهي.

ها هي هڪ روحاني ۽ معنوي دعوت آهي جنهن سبب پاڪ پالڻهار عبادتن جو ثواب وڌائي ڇڏيو آهي، هڪ فرض جي انجام ڏيڻ سان ستر فرضن جو اجورو عطا ڪري ٿو. ٻيو ته ٺهيو ان سڳوري ۽ معزز ميزبان اسان مهمانن جي بي اختياري ۽ لاشعوري عملن کي به عبادت ۽ تسبيح جو درجو عطا ڪيو آهي.

انهي دعوت مان ڀلي نموني فيض حاصل ڪرڻ لاءِ المجتبى فائونڊيشن هي ايپ ترتيب ڏني آهي. جنهن ۾ روزي جا فائدا، حڪمتون ۽ فلسفو بيان ڪيو ويو آهي، ان سان گڏ رمضان مهيني جا تمام اعمال بيان ڪيا ويا آهن. گڏوگڏ عيد جي فضيلت، اهميت ۽ آداب بابت به مضمون شامل ڪيو ويو آهي.